2020 оны хичээлийн шинэ жил эхлэвээ....эхний өдөр шинээр ирсэн гадаад оюутнуудад сургуулиа танилцуулах ажилд өдөржингөө дайчлагдаж гэнээ...
Төгсөх жил хариуцлагатай жил, хүүдээ сургуулиа амжилттай дүүргэхийг хүсье! 😍😍😍 www.wolbataa.com
Хүү маань өчигдрөөс гэрийнхээ ойр байдаг mall-ний хоолны газар кассан дээр зогсох ажилд орсон юм. Ажил хийж үзмээр байна гэсээр энэ ажлыг олсон хэрэг. Орой ажлаа тараад нэлээд ядарсан шинжтэй орж ирлээ. Бидний хооронд болсон яриа:
Ээж: за ажил ямар байв?
Хүү: 8 цаг хөл дээрээ зогсох чанга юмаа.
Ээж: Энэ ажлыг насаараа хийсэн хүмүүс зөндөө байгаа. Ажил хийх амар биш. Хүмүүст 2 сонголт байдаг. Хоолоо олж идэхийн тулд зарим нь толгойгоо ажиллуулдаг, зарим нь биеэрээ ажилладаг. Биеэрээ ажиллах дургүй байгаа бол толгойгоо ажиллуулах хэрэгтэй болно доо.
Хүү: Мэдэж байгаа, ээжээ.
Би тэгээд бодлоо. Олон жилийн өмнө 7-р ангиа төгсөөд зуны амралтаараа ээжийнхээ эмнэлэгт асрагчаар ажиллаж билээ. Шөнө нойргүй, шал угааж хонох тэр ажил жаахан охинд ахадсан ажил байсан нь мэдээж. Ээждээ хэцүү байгаагаа дуулгахад ээж маань бас дээрх үгийг хэлж байсан нь санаанд үлджээ.
Насаараа шал угаахыг хүсээгүй би намраас хичээлдээ анхаардаг болсон юм. Мянга хэлснээс нэг мэдрүүлсэн нь дээр гэдэг болсон доо.
Миний энэ постыг уншиж буй залуусдаа ээжийн энэ үгийг бас дамжуулахыг хүслээ. Сонголт таных....